“Wat e Gléck!?” / Storytelling evening for adults, 15+ / Length: 75 minutes / in Luxembourgish / Concept and storytelling : Betsy Dentzer & Luisa Bevilaqua / Music: t.b.a.

Wat e Gléck!?

E Mann trëppelt op der Strooss, rutscht op enger Bananneschuel aus a brëcht sech den Arm. Wat e Pech! Bass de sëcher? Beim Fale land en nämlech mam Hënner op enger Enveloppe voller Geldschäiner… Wat eng Chance!

D’Liewen ass eng Saach vu Gléck. Oder vun Ongléck ? Vläit och eng Fro vu Point de Vue : Wat fir deen een eng Chance ass, ka fir deen aneren e groußt Ongléck sinn. Deen ee leeft laanscht säi Gléck, deen aneren huet näicht ze verléieren.

Et kann ee keen zu sengem Gléck zwéngen. Dat stëmmt… an awer kann ee versichen dem Gléck ënnert d’Äerm ze gräifen.

Komm, mir hëllefen Déngem Gléck op d’Spréng…huel dir e Gléckslous a looss dech beglécken, mat engem glécklech onglécklechen Owend voller Erzielungen iwwert genee dëst onglécklecht Gléck oder glécklecht Ongléck. A wee wees: vläit bass du jo den nächste Gewënner?