HaxPaxMax – d’Erzielsonndeger am Kapuzinertheater / storytelling for families / 4+ / Production: Théâtres de la Ville de Luxembourg

Oder: Hokuspokus Fidibus, Abracadabra, Simsalabim, Ciáralo–Báralo oder och nach Schlaangenee a Moukendreck!… vill vun deen Sprëch goufe scho gehéiert, vill nei Wiese goufen entdeckt an déi gelungensten Ecke vum Zauberbësch erfuerscht.

Do hu Mënschen sech an Déieren an Déieren sech a Mënsche verwandelt, et gouf mol eppes eweg, mol eppes dobäi gezaubert. Eemol war herno rem alles ewéi virdrun, an eemol ass den Zauber fir ëmmer bliwwen.

“Dat ass dach alles guer net méiglech!”?? Dass dee Sproch net gëllt, dat hu mer schon d’lescht Saison gesinn an héieren… a fir déi, déi nach ëmmer zweifelen, setze mer dofir nach en zweeten Tour dobäi! Zaubergeschichte ginn et nach ganz vill op der Welt, an am allerléifste krauchen se a kleng an a grouß Oueren a loossen sech weidererzielen!